fo

Afternoon Tea

“There are few hours in life more agreeable than the hour dedicated to the ceremony known as afternoon tea.”

Henry James

Søgan um “Afternoon Tea” í fáum orðum •

Eftirtíðin hevur givið Onnu Russel, sum var hertogafrúa av Bedford í 1830-unum, æruna av at gera hetta seinnapartsdrekka til eitt formligt høvi at hittast. 

Byrjanin hevði samband við, at tað gjørdist alt vanligari at kvøldmáltíðin (ella døgverðin) varð etin seinni og seinni á degi. Hetta tí at fleiri og fleiri hús fingu gasljós og tí fingu ráð til at brenna ljós til langt út á kvøldið. Heima hjá hertogaparinum manglaðu tey valla kertuljós, men onkur skal jú ganga undan, tá tíðir broytast. •

Sum vera man fór hertogafrúan at sveingjast í gloppinum millum miðmálan og døgverðan. Hon fekk sær tí fyri vana at bjóða vinfólki til ein temunn og eina minni máltíð heima í egnum stovum á Woburn Abbey. Afturkomin til London helt hon fast við hendan vanan, og “afternoon tea” gjørdist sum frá leið ein fínur siður hjá vertinnum av tí betra slagnum.

“Tearooms” ella testovur vóru nógv frammi fyri aldamótið 1900. Tær gjørdust skjótt staðið, har vinir hittust og frættu tað seinasta nýggja. Testovurnar vóru eisini eitt av teimum fáu almennu støðunum, har kvinnur kundu hittast, uttan at vera í fylgi við sómadaddu, so at fáa sær seinnapartsdrekka í býnum vant nógv uppá seg sum sosial netverkan. Seinni legðist tónleikur afturat hesum seinnapartsløtunum, og smartir ungdómar gingu í “te-dans” á teimum flottastu hotellunum, ein siður sum vardi fram til seinna heimsbardaga. •

Næstan 200 ár eftir broytingina, sum hertogafrúan kom við, er tað at fáa sær “afternoon tea” enn tiltikið sum ein elegantur háttur at liva lívið. Nógvir føroyingar hava roynt hetta uttanlands, men nú er hetta seinnapartsdrekka eisini at fáa í Føroyum. Hotel Havgrím bjóðar, sum fyrsta stað her á landi, føroyingum til afternoon tea í søguligu húsunum Yviri við Strond 14 í Havn.